ابڙو اڪيڊمي Abro Academy
2020-07-22
داخلا نمبر 632
عنوان لاکو ڄاڃي
شاخ پکي
پڙهيو ويو 424
داخلا جو حوالو:
لاکو ڄاڃي
لاکو ڄاڃي
145 سينٽي ميٽر جسامت واري هن پکيءَ جا به نر ماد هڪجهڙا ٿين ٿا. هن جون ٽنگون سنهڙيون ۽ ڊگهيون هونديون آهن. ڊگهي ڳچي، گلابي اڇا کنڀ، پير جون آڱريون ڳنڍيل ۽ مڙيل ڪُنڍدار چهنب ان جون خاص خاص نشانيون آهن. لاکي جو نالو ان رنگت سبب پيو آهي ۽ ڪي مقامي ماڻهو انکي لاکي پِير جو ڄاڃي سمجهندا آهن. هي پکي تانگهن پاڻين ۾ جهاڳيندو آهي ۽ مٺن توڙي، کارن پاڻين مان خوراڪ هٿ ڪرڻ جي صلاحيت رکي ٿو. هن جو شڪار وڏو نه هوندو آهي، عام طور تي جيت، جهينگا، ننڍڙا ٻوٽا ۽ الجي کائيندو آهي. اڪثر وڏن ولرن ۾ ھڪڙين ڍنڍن کان ٻين ڍنڍن تائين ڊگها سفر ڪندو آهي. اڏامڻ مهل ڳچي اڳتي ۽ پير پوئتي نڪتل هوندا اٿس.
ان جو آکيرو لوڻاٺين يا عام ڍنڍن ۾ مٽيءَ جي دڙي وانگر ۽ مٿان کان سوراخدار هوندو آهي. اڪثر ڏکڻ ايشيا، عرب اُپٻيٽ ۽ آفريڪا ۾ ملي ٿو. ھي ماحول : 7 جو پکي آھي.